2018年11月30日 - 萬眾期待嘅港珠澳大橋於10月24日正式通車！香港、珠海同澳門三地連接更緊密，往來更方便，距離大灣區「一小時生活圈」又邁進一大步。香港口岸座落大嶼山，附近有昂坪360、天壇大佛等多項旅遊景點，港珠澳大橋通車後吸引大量內地旅客到訪，除咗刺激區內消費同帶動零售業，亦為樓市帶來黃金機會。 

東涌係鄰近港珠澳大橋入口嘅地區，加上毗鄰機場及港鐵站嘅優勢，近年區內住宅物業備受內地客青睞。港珠澳大橋通車令區內發展錦上添花，預料東涌站附近物業將吸引更多內地客入市。

東涌交通將更加方便

東涌鄰近機場，區內物業一直備受經常往返內地及出埠公幹嘅租客垂青，隨住港珠澳大橋通車，往返內地將更加方便，預計區內租務成交更趨活躍。圍繞東涌站嘅私樓盤眾多，映灣園、東堤灣畔等都有大量租盤供應。租金方面，由於東涌站係港珠澳大橋嘅中轉站，甚至可能成為內地客往來香港工作嘅出入口。由此帶來嘅大量人流將帶動租務暢旺，將會係區內私樓加租嘅最大誘因。

港珠澳大橋由2009年12月動工至今九年，三地樓價飆升。反映本港二手樓價走勢嘅中原城市領先指數CCL由2009年12月底錄得 73.23點，至最新本週公佈已升1.5倍至182.73點，反映港珠澳大橋效應帶動樓價不斷上升。東涌區內大型屋苑映灣園最近亦有高層單位以平均實用呎價約12,208元成交，較2009年底東涌區平均呎價約4,000 元升幅更達2倍。 

南大嶼山及愉景灣亦同樣受惠 

除咗東涌之外，南大嶼山及愉景灣因為毗鄰東涌又鄰近機場，食到正港珠澳大橋概念，發展潛力亦將進一步提升。雖然話遠離港島，其實愉景灣交通尚算方便，由東涌市中心搭巴士到達愉景灣廣場只需30分鐘車程，區內多個臨海低密度屋苑如悅堤、尚堤及津堤等坐擁大嶼山東岸嘅優美景色。加上搭船出中環IFC只需30分鐘，區內亦設有國際學校及遊艇會，吸引大量外藉人士居住。若講港珠澳大橋概念，愉景灣盡享交通優勢，預料到呢一區遊覽甚至居住嘅人數，只會有增無減，係值得考慮嘅入市之選。

呢間一房單位擁有寬敞私人花園，住客可以一邊欣賞優美海景，一邊同親朋好友開BBQ派對！佢仲有一個設備齊全嘅開放式廚房，配備名牌Smeg電器。

另外仲有位於悅堤嘅呢間複式花園屋，實用面積1,469呎，闊落嘅客廳連接花園私人泳池，閒時又可以喺露台飽覽愉景灣嘅山景及海景。悅堤樓齡僅僅4年，建築密度低，鄰近愉景灣北廣場嘅餐廳超市，交通亦非常方便。